షిరిడీ దేవర క్షీరసాగరా !

శ్రీసాయినాథాయనమః 

"సాయిబాబా జీవితచరిత్ర  సముద్రమువలె విశాలమైనది, లోతైనది. అందరును దీనియందు మునిగి భక్తిజ్ఞానములను మణులను వెలికితీసి కావలసినవారికి పంచిపెట్టవచ్చును".
శ్రీసాయిసచ్చరిత్రము: 2 వ అధ్యాయము 

షిరిడీ దేవర క్షీరసాగరా!

షిరిడీ దేవర క్షీరసాగరా

హృదయముమీదే రత్నగర్భయా,

శోధనచేసెడి సాధక కోటికి

తరగని కరగని బాహుపెన్నిధయా

అశ్రీతజీవికి ఛాయనిత్తువు

ఆర్తిని బాపి సేదదీర్తువు

అక్షయపాత్రగ ఆదరింతువు

కల్పవృక్షముగ సం కల్పము దీర్తువు                    || షిరిడీ దేవర క్షీరసాగరా ||

ధర్మం నీదరి పూర్ణమైనది

నాల్గుపాదముల గోవైయున్నది

మురళికి పరుగిడు  ధేనువేయది

కామ్యసిద్ధుల కామ, ధేనువేయది                         || షిరిడీ దేవర క్షీరసాగరా ||

భక్తులబాధలు బాబానీలో

బడబానలమై  నిబిడియున్నను

వారల రక్షణ దీక్షనె బూని

దక్షతనీవే సం, రక్షింతువు                                   || షిరిడీ దేవర క్షీరసాగరా ||

దాసులవసతుల లేమిలేదులే

సంపదరాసుల పొంగుపొంగులే

బాబాచక్షుపై చక్షువు నిలిపిన

లక్ష్మీచిందులె  , చంగుచంగులే                            || షిరిడీ దేవర క్షీరసాగరా || 

సాయినిమనమున మననము సేసిన

జపముతొ తపముతొ మథనముజేసిన

నవనీతుండై పదము కదుపులే

కరుణామృతమును మిగులపంచులే                   || షిరిడీ దేవర క్షీరసాగరా ||

శ్రీసాయి కరుణాకిరణాలు అందరిపై ప్రసరించుగాక!
అందరికి శుభమగుగాక!
ఓంసాయి శ్రీసాయి జయ జయ సాయి!