పరమపద సోపానం!

శ్రీసాయినాథాయనమః 

పరమపద  సోపానం!

పరమపద సోపాన పటమిది

పాము నిచ్చెన లిచ్చటా

భయము వలదులె  సాయిదేవుల

అభయ హస్తమునుండగా

మబ్బుతాకెడి  శిఖరమున్నవి

పోరులిచ్చట  ఓనరా

కాలుజారిన జీవి బతుకిట

జాడతెలియని  లోయరా                                     | పరమపద సోపాన పటమిది |

భార్య భర్తల బంధమిచ్చట

చక్కనైతే ముచ్చట

చిచ్చు రగిలిన రచ్చ అదియే

పచ్చినిజమిది పాంధుడా                                   | పరమపద సోపాన పటమిది |

పుత్రులెక్కిన పదవు లిచ్చట

సుఖము తండ్రికి సోదరా

శత్రువై ఇట కాలుదువ్విన

తాలు, తండ్రికి తెలియరా                                    | పరమపద సోపాన పటమిది |

కోటి కోటుల చేయుటందుకె

పాటు జీవికి చూడరా

రాగమెచ్చిన రోగమొచ్చును

రక్తపోటులె రాఘవా                                          | పరమపద సోపాన పటమిది |

తీపి తీపుల తిండులున్నవి

విందు పండుగలందురా

తీపి కుదరక పోతె మేహము

పొంచియున్నది చెంతరా                                    | పరమపద సోపాన పటమిది |

లోకమిచ్చట గొప్పవాడని

ఎత్తులెత్తుట సబబురా

సత్తు రూకవె పదవి తొలగిన

పరమునెరుగర ఓ.. నరా                                   | పరమపద సోపాన పటమిది |

గురువు లిచ్చట దారిజూపిన

గుడిని చేరెద వీవెర

గురువె కాలు....,  కాలుజారిన

గూడు ఎక్కడ చూడగా                                     | పరమపద సోపాన పటమిది |        

సాయి నిచ్చెన పరము జేర్పగ

హాయిపొందుము సోదరా

బాబ భక్తితొ సేవ జేయగ

భాగ్యమంతయు నీకెరా

సౌ... భాగ్యమంతయు నీకెరా...                         | పరమపద సోపాన పటమిది |

శ్రీసాయి కరుణా కిరణాలు అందరిపై ప్రసరించుగాక!
అందరికి శుభమగుగాక!ఓంసాయి శ్రీసాయి జయజయ సాయి!