సాయితోటి బంధం!

శ్రీసాయినాథాయనమః 

" నా మనుష్యుడు ఎంత దూరమున నున్నప్పటికి, 1000 క్రోసుల దూరమున నున్నప్పటికి, పిచ్చుకకాళ్లకు దారముకట్టి యీడ్చినటుల అతనిని శిరిడీకి లాగెదను."  శ్రీసాయిసచ్చరిత్ర,28వ అధ్యాయము 

మనకు తెలియవచ్చును,తెలియపోవక వచ్చును కాని ఓ విషయం సత్యమేమన, సాయి అనుగ్రహంలేక వారి మార్గంలోకి రాలేము. లాగడం ఆయన కరుణ, కట్టుబడి ఉండటం మన బాధ్యత.  బాబా చెప్పిన మావిడి పూతలా మధ్యలో రాలిపోకుండా చివరికంటా ఆయన మార్గంలో మన జీవితాలు ఫలవంతములు కావాలని ఆకాంక్ష, ప్రార్థన !  

సాయితోటి బంధం! 

జనమ జనముల పుణ్యమేమో

సాయినాథుల పాదబంధం

సాయినాథుల పాద బంధం

సాయి పాదుక సేవ భాగ్యం

హనుమ రామల భక్తి బంధం
మీర మోహన రాగ బంధం

శక్తి శంకర నాగబంధం

సాయి సద్గురు పాద బంధం                   || జనమ జనముల ||

రాతి శకలమె  నాదు జనమం

రీతి శూన్యమె నాదు గమనం 

మాలి కాయిలె సాయినాథం

ఏలికాయెలె సాయిపాదం                        || జనమ జనముల ||

లీల ఇదియే బాబ బంధం

సాయిపిలుపే ప్రేమగంధం

సాయి నిలుపూ నేటి బంధం

సాటిలేరు నీవె బ్రహ్మం                           || జనమ జనముల ||

శ్రీసాయి కరుణా కిరణాలు అందరిపై ప్రసరించుగాక!
అందరికి శుభమగుగాక!
ఓంసాయి శ్రీసాయి జయజయ సాయి!