షిరిడిపురమది అందరిది!

శ్రీసాయినాథాయనమః 

షిరిడిపురమది  అందరిది!

షిరిడి పురమది అందరిది  సాయీశుడు అందరి వాడేలే

ఎందుకె మనసా ఈ భయ భ్రాంతులు సాయి సన్నిధి పొందవటే

చల్లని చూపుల సుందర రూపుడు భక్తుల యెల్లర బ్రోచుగదా

మోహాలేలా తాపాలేల మురళీధరుని చేరగ రావొ                                              ||షిరిడి పురమది||

ద్వారకామాయి  మోహన రూపుడు భక్తుల కభయము నొసగుగదా

తర్జనలేలా భర్జనలేల సాయి సన్నిధి చేరగ రావో                                               ||షిరిడి పురమది||

ధుని వెలిగించిన దయగల రూపుడు దీనులాగాచి బ్రోచుగదా

పాపాకర్మల ధుని మండింపగ పరుగున సాయిని చేరగరావో                               ||షిరిడి పురమది||

జలముతొ వెలిగెను దీపపు కాంతులు ,మనమున తొలగెను తిమిరపు తెరలు

సాయిభావమును మదిని నింపుచు షిరిడి పురమును చూడగ రావొ                  ||షిరిడి పురమది||

      

శ్రీసాయి కరుణాకిరణాలు అందరిపై ప్రసరించుగాక!

అందరికి శుభమగుగాక!

ఓంసాయి శ్రీసాయి జయజయ సాయి!