ఆరాటం ఇది ఆరాటం!!!

శ్రీసాయినాథాయనమః 

ఆరాటం ఇది ఆరాటం

ఆరాటం ఇది ఆరాటం , జీవుని జీవన పోరాటం

జీవుని జీవన పోరాటం , ఏమిటొ నెరుగని ఆరాటం

లోభికి తరగని ఆరాటం, బహుసంపద పెంపుకు ఆరాటం

మేడల మిద్దెల ఆరాటం , ఎందుకొ తెలియని ఆరాటం                        ||ఆరాటం ఇది ఆరాటం||  

శిశువుకు తీరని ఆరాటం ,  తనమాతను జేరెడి ఆరాటం

మాతను జేరెడి ఆరాటం, ఏ భాషల నెరుగని ఆరాటం                         ||ఆరాటం ఇది ఆరాటం||

ప్రేయసి కూడెడి ఆరాటం , ప్రేమకై ప్రీయుని ఆరాటం

అన్యము గాంచని ఆరాటం , ఆ ప్రేయసి పొందుకె  ఆరాటం                  ||ఆరాటం ఇది ఆరాటం||

మేఘపు జలముల ఆరాటం, నేలను తాకెడి ఆరాటం

వెల్లువ నురగల ఆరాటం , ఆ..సాగరు జేరెడి ఆరాటం                          ||ఆరాటం ఇది ఆరాటం||

వేణువు గాలికి ఆరాటం, ఆ..  గోకుల గోపిక ఆరాటం

తడబడు పరుగుల ఆరాటం, గో..పాలుని కూడెడి ఆరాటం                   ||ఆరాటం ఇది ఆరాటం||

పరమందుటకే ఆరాటం, గురుపదమొందుటకే ఆరాటం

వి.. యోగమె జీవికి పోరాటం , తన తండ్రితొ యోగమె పరమార్థం         ||ఆరాటం ఇది ఆరాటం||

తనువున తరగని ఆరాటం , తపనల మనసున ఆరాటం

షిరిడిని జేరెడి ఆరాటం, ఆ దేవుని జూచెడి ఉబలాటం                         ||ఆరాటం ఇది ఆరాటం||

శ్రీసాయి కరుణాకిరణాలు అందరిపైప్రసరించుగాక !
అందరికిశుభమగుగాక !
ఓంసాయి శ్రీసాయి జయజయ సాయి!

సాగరసంగమం