సుడిలో చిక్కెను జీవననావ

శ్రీసాయినాథాయనమః 

" నీ హృదయమునందు శ్రీసాయి చరణములనే నమ్మినయెడల భవసాగరమును సులభముగా దాటగలుగుదువు."  శ్రీసాయిసచ్చరిత్రము 

" ఒకరోజు బాబా నిష్కారణంగా " అబ్బా" యని కేక పెట్టారు. తక్షణమే ఆయన తలకు వంటికీ వున్న గుడ్డలన్నీ తడిసి, నీరు బొట్లుగా పడి మడుగు కట్టింది. భక్తులాశ్చర్య పోయారుగాని ఆయననడిగే ధైర్యంలేదు. మూడవరోజున సాయి తనను రక్షించినందుకు టెలిగ్రాంద్వారా కృతజ్ఞత తెలిపాడు జహంగీరు. అసలు వృత్తాంతమిది: రష్యా-జపాన్ యుద్ధంలో అతడొక నౌకాధిపతి. తన మూడు నౌకలను శత్రువులు ముంచివేసారు. తన నౌకను కాపాడమని అతడు కన్నీటితో బాబాను ప్రార్ధించాడు. సాయి అతనిముందు కనపడి ఆ నౌకను ఒడ్డుచేర్చారు. "  శ్రీసాయిలీలామృతము   

సుడిలో చిక్కెను జీవననావ 

సుడిలో చిక్కెను జీవననావ
అలల తాకిడికి వెలవెలబోయెను
ఉరుములు ఉరిమెను మెరుపులు మెరిసెను
కారుమేఘములు గ్రక్కున గమ్మెను
ఏలచేరునో...యేదరి  జేరునో...

దడదడ గురిసెను జడిజడి వానలు
చిక్కగగమ్మెను చీకటిపొరలు
సాగరఘోషలో హోరుగాలిలో
ఏలచేరునో...యేదరి  జేరునో...                  ||సుడిలో చిక్కెను||


తోడూలేని ఒంటరిపయనం
లోతూతెలియని సాగరమధ్యం
కూలెను గ్రక్కున ఆశల సౌధం
ఏలచేరునో...యేదరి  జేరునో...                 ||సుడిలో చిక్కెను||

అంతలొ మనమున వింతగ గలిగెను
చింతలుబాపే సాయిభావము
వెలుగుజిలుగులు వెల్లువలాయెను
ప్రళయము ఆగెను, పడవసాగెను!         

శ్రీసాయి కరుణాకిరణాలు అందరిపై ప్రసరించుగాక!
అందరికి శుభమగుగాక!
ఓంసాయి శ్రీసాయి జయ జయ సాయి!