బాబా బాబా బాబాసాయ్!

శ్రీసాయినాథాయనమః 

బాబా బాబా బాబాసాయ్ 

బాబా బాబా బాబా సాయ్ , బాబా శిరిడీ బాబాసాయ్ 

సాయి సాయి బాబా సాయ్ , సాయి శిరిడీ బాబా సాయ్ 

దారీదప్పిన గుఱ్ఱాన్ని , పాటిల్కు చూపాడోయ్

నీరునిప్పు పుట్టించి  చిలుము చేత బట్టాడోయ్

పెళ్ళివాళ్ళ బళ్ల మీద   షిరిడీకి వెళ్లాడోయ్

కళ్యాణము జెయలోకానికి  ద్వారకమాయి చేరాడోయ్                ||బాబా బాబా బాబాసాయ్|| 

ఊరివాళ్ళు నూనె నివ్వక నీళ్లతొ దీపాలుంచాడోయ్

కానివాళ్ళు లేనివాళ్ళుగ  అందరి బాగు చూసాడోయ్

తిరుగలిలోన గోధుమలేసి  గీరాగీర తిప్పాడోయ్

రోగుల బాధల ఆర్తుల పీడల తుత్తునియల జేసాడోయ్               ||బాబా బాబా బాబాసాయ్|| 

రామునిపూజలు జేసాడోయ్, అల్లా మాలిక్ అన్నాడోయ్

ధూని విభూతితోడ  లీలలెన్నొ జూపాడోయ్

పెద్ద పెద్ద పాత్రల్లోన  పంచభక్ష్యా లొండాడోయ్

చిన్నాపెద్ద తేడాలేక  అందరీకి పంచాడోయ్                               ||బాబా బాబా బాబాసాయ్|| 

దక్షిణ పైసల బట్టాడోయ్ భక్తుల రక్షణ జేసాడోయ్

భిక్షకు వీధుల తిరిగాడోయ్ కరమల దూరం జేసాడోయ్

పిల్లాపాపలు  లేనివారల కడుపు పండగ  జేసాడోయ్

తల్లీతండ్రీ దూరమైతె  తానే అండని అన్నాడోయ్                       ||బాబా బాబా బాబాసాయ్|| 

భూమివిడచి మూడు రోజులు సొరగం చూడగ వెళ్లాడోయ్

ఆ సొరగం మనకు చూపగా మరలి మరలి వచ్చాడోయ్

కన్నులా ఎఱ్ఱగజేసి తూఫాన్ పోకడ ఆపాడోయ్

ఎడమచేతి సైగలతోటె ధూనినిప్పు దింపాడోయ్                        ||బాబా బాబా బాబాసాయ్||   

మంచి మంచి మానసాదే మతముల సారమన్నాడోయ్

రేయీ పగలు, చేరినవాళ్లకు సంపదనంతా పంచాడోయ్ 
మనుషుల పశువుల పక్షుల లోని వెలుగు ఒకటే నన్నాడోయ్

కలిమీ లేములు కావడి కుండలు చూడు చూడ మన్నాడోయ్    ||బాబా బాబా బాబాసాయ్||    

మేడాలొద్దు మిద్దెలొద్దు శ్రద్ధా సహనము అడిగాడోయ్

అన్నీవిడచి తన్నేజేరిన తానె అన్నీ అన్నాడోయ్

సన్నాకొసల బల్లపైన భళిరా బాగా వూగాడోయ్

చావడి సంబర వేళల, కోటి సూర్యుల జూపాడోయ్                      ||బాబా బాబా బాబాసాయ్|| 

శ్రీసాయి కరుణాకిరణాలు అందరిపై ప్రసరించుగాక!
అందరికి శుభమగుగాక!
ఓంసాయి శ్రీసాయి జయ జయ సాయి!