సాయి నందలాల!

శ్రీసాయినాథాయనమః 

సాయి నందలాల

నందలాల నందలాల
నందలాలా ...ఆనందలాల

నందలాల నందలాల
నందలాలా ...సాయినందలాల

బృందావనమున  నందలాలా

గోకులము వెలసెనమ్మ నందలాల

ఆ గోకులమందున నందలాల

బాలగోపాల లీల నందలాల                    || నందలాల ||

షిరిడీ పురమునా నందలాల

ద్వారకామాయి నిలచె నందలాల

ఆ ద్వారకామాయిలోన నందలాల

షిరిడిసాయి లీలచూడు నందలాల        || నందలాల ||

గోపికల ఇండ్లలోన నందలాల

వెన్నదొంగిలించెనమ్మ నందలాల

ఆ... వెన్నముద్దలతోటి నందలాల        || నందలాల ||

గోపికల మనసుదోచె నందలాల            

పిచ్చుకలుగ తనవారల నందలాల

బహుపాశమేసి పట్టిలాగు నందలాల

ఆ... పాశా బంధముతో నందలాల

ఆశపాశము తొలగే నందలాల                || నందలాల ||

పోతానా హతమార్చె నందలాల

కాళీయుని మర్థించె నందలాల

తనదు చిన్ననోటిలోనే నందలాల

విశ్వమంత జూపించె నందలాల              || నందలాల ||

గోధుమల పిండిజేసి నందలాల

రోగముల రూపుమాపె నందలాల   

రూపులెన్నొ తానుజూపి  నందలాల

విశ్వరూపు తానాయె నందలాల             || నందలాల ||   

గోవర్ధనంబెత్తి    నందలాల

గోపాలుర  గాచెనమ్మ నందలాల

అసురులెల్ల వధియించి నందలాల

ఆత్మీయుల గాపాడె నందలాల               || నందలాల ||   

భక్త బరువు భారమెత్తి  నందలాల

భోగభాగ్యము గూర్చే నందలాల

అలజడులా మనసు  నణచి నందలాల

పరమ  శాంతుల నింపే నందలాల           || నందలాల ||        |

పగ్గములా తాబూని నందలాల

పార్థసారధి తానే నందలాల

గీతాసారముతోడి నందలాల

విజయునకు విజయమాయె నందలాల   || నందలాల ||     

జీవనావ సరంగే  నందలాల

మార్గదర్శి వాడె వాడె నందలాల

మనసిచ్చి ముడివడరె నందలాల

జయమునిచ్చు  జనమగూర్చు
 నందలాల ... సాయి నందలాల               || నందలాల ||                    

శ్రీసాయి కరుణాకిరణాలు అందరిపై ప్రసరించుగాక!

అందరికి శుభమగుగాక!

ఓంసాయి శ్రీసాయి జయ జయ సాయి!