ఎక్కడివాడు?

శ్రీసాయినాథాయనమః 

ఎక్కడి వాడమ్మా!

ఎక్కడి వాడమ్మా....   ఎక్కడివాడు?

రెండక్షరాల చక్కనివాడు

సాయినామముతోడ మదినిండినాడు

ఇంతింతై....  వటుడింతై .... ఎదిగిపొయాడు

పాతమజీదున   పదమూని నాడు

పేదసాదల...  ఎదజేర్చినాడు 

దేశదేశాల...  ఏలుతున్నాడు ||2||

కోట్ల దాసుల  చేయుచున్నాడు

కోటాను, కోట్ల దాసుల  జేయుచున్నాడు                             || ఎక్కడి వాడమ్మా||

షిరిడి  వీధుల బిచ్చమెత్తాడు

చిరుగు జోలెలో భిక్ష పట్టాడు

జాలిగుండెతో   జగము నేలాడు || 2||

పేదోళ్ల గొప్పోళ్ళ దేవుడైనాడు

పేద, పేదోళ్ల గొప్పోళ్ళ  దేవుడైనాడు                                   || ఎక్కడి వాడమ్మా||

రెండు రూకల దక్షిణడిగాడు

శ్రద్ధసహనాలె చూపమన్నాడు

సబ్ క మాలిక్ ఏక్ అన్నాడు ||2||

కన్నుకలిపితే  కలిమినిస్తాడు

కను , కన్నుకలిపితే కలిమినిస్తాడు                                   || ఎక్కడి వాడమ్మా||

ధునివెలిగించాడు, కర్మల కాల్చాడు

వీభూతి పంచాడు  వీభూతులిచ్చాడు

ఎన్నెన్నొ రూపాల వెలుగు తున్నాడు ||2||

కన్నుకప్పి  మరి, తప్పుకుంటాడు

అరె , కన్నుకప్పి మరి తప్పుకుంటాడు                             || ఎక్కడి వాడమ్మా||

లీలలెన్నొ అవ , లీలగ జూపాడు

ఆలన పాలన, తానుగ నిలిచాడు

సాయి సాయంటే, సాయమౌతాడు ||2||

ఆర్తితొ బిలిచిన , ఆదుకొంటాడు

ఆర్తి, ఆర్తితొ బిలిచిన ఆదుకొంటాడు,

బంధువౌతాడు.... ఆత్మ బంధువౌతాడు                            || ఎక్కడి వాడమ్మా|| 

శ్రీసాయికరుణాకిరణాలు అందరిపై ప్రసరించుగాక!
అందరికి శుభమగుగాక!
ఓంసాయి శ్రీసాయి జయ జయ సాయి!