Saibaba Telugu blog

శ్రీసాయినాథాయనమః  " బాబా మనల్ని నియమాలతో, వ్రతాలతో నిరాహారాలతో తపస్సు చేయమనలేదు. శాస్త్రాలు చదవమనలేదు. హృదయమంతటితో తన్ను స్మరించి , సాయి చర్యలను, మాటలను, చూపును, నవ్వును అర్థం  చేసికొంటూ ధ్యానిస్తూ ( మననం చేస్తూ ) వాటిలో లయం కాగలిగితే చైతన్య ఘనత లేక బ్రహ్మసమరసత సిద్ధిస్తుంది అన్నారు.ఈ వివరణే మన సాధనకు మూలమని గ్రహించాలి."  సాయిసూక్తి-ఆచార్యవాణి, శ్రీమతి కమలారామచందర్. సమయము,  సానుకూలతలున్నవారు వారికిష్టమైన రీతిలో  బాబా పూజ జేసికొనవచ్చును. అందులకు అవకాశములేనివారు మానసిక స్మరణ మాత్ర పూజచేసికొని అదే ప్రశాంత ననుభవింప వచ్చును. బాబా భావ ప్రియులు కావున వారి ఆశిస్సులు అందరిపైన  సమంగానే ఉంటాయి.      సాయిపూజ  చిత్తమందు సాయిదేవ భక్తితోడ మొక్కుదాము శాయశక్తులన్నిమీర సాయిశక్తి కొలుచుదాము గంగనీరు పట్టుదాము గోవుపాలు పిండుదాము వెండివేది కందున సాయిదేవు నుంచుదాము మంగళా స్నానాల బాబ సాయి చేయుదాము మైమరచి నృత్యకేళ మరీ మరి సాగుదాము                                ...

శ్రీసాయినాథాయనమః  సద్గురువులు కర్మసూత్రాన్న( law of karma ) నుసరించిగాక, కారుణ్యసూత్రం  ( law of compassion )  పై వ్యవహరిస్తారని పెద్దలు చెబుతారు. భక్తులు తమ తమ కర్మఫలముల ననుసరించి అనుభవింప వలసిన శారీరక బాధలుగాని , మానసిక అలజడులు గాని లేక ఆధ్యాత్మిక చీకట్లుగాని  అనుభవింప శక్తిలేనపుడు సద్గురువులు వారి కర్మ భారముల భరించి, తమ దయాహృదయంతొ వ్యవహిరించి వారి సమస్యల పరిష్కరిస్తారనేది  విజ్ఞుల ఉవాచ. ఇందులకు శ్రీసాయిసచ్చరిత్రలోని ఘటనలన్నీ ఉదాహరణలే! శ్యామా పాముకాటునుండి రక్షణపొందుట, భీమాజిపాటిలు క్షయవ్యాధి విముక్తి , పితళే పుత్రుని మూర్చవ్యాధి నివారణ, పిళ్లే నారి పుండు ఉపశమనం,మైనతాయి సుఖప్రసవన,తాత్యాకు ప్రాణభిక్ష ;  పాటంకరు, కాకాజీవైద్య, గురుచరిత్రపఠించిన సాఠే ల మానసిక కల్లోలత నుండి ప్రశాంతత ; దాసగణు,బి.వి.దేవ్,నానాసాహెబ్ చాందోర్కరుల ఆధ్యాత్మిక అంధకార నిర్మూలన ఇలా ఎన్నెన్నో ఉదాహరణలు కేవలము మచ్చుతునకలు మాత్రమే! సాయిబాబా ఎందరో భక్తుల బాధలు తమ దేహంపై ధరించి వారిని రక్షించారు. వారికర్మ భారముల తాము వహించారు. అలాంటి దయాంతరంగుల సర్వశ్య శరణాగతి కోరడం కేవలం భక్తుల మ...

శ్రీసాయినాథాయనమః  సాయి చరిత్రకు హృదయంలాంటి ప్రత్యేక కథనుగూర్చి అవలోకిద్దాము. ఇది శ్రీసాయిసచ్చరిత్ర 18-19 అధ్యాయములలొ చాల విపులంగా చెప్పబడినది, ఎక్కువుమంది పాఠకులకు తెలిసినదే. సంగమనేరునుండి  రాధాబాయి యనే ఓముసలమ్మ షిరిడి జేరి బాబా ఉపదేశమిచ్చేవరకు ఉపవాసముండదలచి మూడురోజులు తనబసలోనే అన్నపానీయాలు మానివేసినది. సన్నిహిత భక్తుడు శ్యామా  బాబా కీవిషయం తెలుప, బాబా ఆమెను పిలిపించి చాల మధురంగా యిలా మాట్లాడారు. " ఓ తల్లీ!, ఉపదేశమిచ్చుట మా సంప్రదాయము కాదు. కేవలము గురునిపై భక్తే ముఖ్యం. నేను నాగురుని 12 సంవత్సరాలు మిగుల శ్రద్ధ, సహనాలతొ సేవించాను. దేహశక్తులన్నిటిని కన్నులలో జేర్చి, నిద్రాహారాలు మాని రేయింబవళ్లు వారిపై దృష్టినిలిపే వాడిని. నామనసెప్పుడు వారియందే నాటుకొనియుండేది. కాని వారు  నాకెలాంటి ఉపదేశమివ్వలేదు. వారు తమదృష్టి చేతనే నన్ను కాపాడుచుండెడివారు. తాబేలు తన పిల్లలను కేవలము తన చూపులతొ పెంచినట్లు, నన్నుగూడ మాగురువు తమ దృష్టితోడ పోషించెడివారు. కనుక నీవుకూడ నీ ఆలోచనలు  పనులు  నాకోసమె వినియోగించుము, నావైపు సంపూర్ణహృదయంతో చూడుము. నేను నీవైపు అటులనే జూసెదను. ఈ మజ...

ఓంశ్రీసాయినాథాయనమః  సాయిబాబా సర్వాంతర్యామి,సర్వహృదయవాసి. మన ఆశలు, ఆశయాలు,కోరికలు,భయాలు,బాధలు,ప్రాణాంతకాలు అన్నీ ఆయనకెరుకే ! దగ్గర దూరాలతో పనిలేదు. ఉన్నవారు,లేనివారనే తారతమ్యం లేదు. ఆయనకు వాడాలోని హేమాద్రిపంతు వాదన తెలుసు,పండరీపురంలో తనను గూర్చి లాయర్ జేసిన నిందారోపణ తెలుసు,చోల్కర్ షిరిడీ ప్రయాణానికి  డబ్బులు మిగుల్చుటకై చక్కెరలేని తేనీరు త్రాగిన విషయం తెలుసు,వణిలోని పూజారి కాకాజీవైద్య షిరిడి వెళ్లదలచు తపన తెలుసు,ఇంతేకాదు నోరులేని కుక్క ఆకలి తెలుసు,గోడపైనున్న బల్లి కిచ కిచ కూత తెలుసు. అలాగే భక్తుల అంతరంగాలన్ని ఆయనకు తెరచిన పుస్తకాలే. ఇది గత చరిత్ర కాదు, నడుస్తున్న వాస్తవం. సాయి మనవిన్నపాలకు స్పందిస్తారు, సరైనవాటిని సమకూరుస్తారు. ఏదిమంచిదైతే అదే చేస్తారనే విశ్వాసం కలిగియుండటం భక్తులకెంతో శ్రేయస్కరం. పైవిషయానికి దగ్గర సంబంధం కలిగిన ఓ చిన్న అనుభవాన్ని ప్రస్తావిస్తాను. ఆరోజు సెప్టెంబర్ మాసం ఒకటో తారీఖు గురువారం, 1994. అపుడు హైదరాబాద్ శ్రీనగర్ కాలనిలో ఉండేవాళ్ళం. ఇంటికి దగ్గరున్న పంజాగుట్ట లోని ప్రసిద్ధ షిరిడీసాయి గుడికి వీలైన ప్రతి గురువారం వెళ్ళేవాడిని. యధావిధిగా ఆరోజుక...

శ్రీసాయినాథాయనమః  ఏమి మంత్రము ఏమి మంత్రము? ఏమి మంత్రము ఏమి మంత్రము సాయినామా జపామంత్రము పాపతాపా హరణమంత్రము భక్తకోటి స్మరణ మంత్రము సాయిబాబా... సాయిబాబా... సాయిబాబా... సాయిబాబా... సాయిబాబా... సాయిబాబా! సాయిబాబా... సాయిబాబా... సాయిబాబా... సాయిబాబా... సాయిబాబా... సాయిబాబా! ధవళగంగా ధార మంత్రము ధరణి మహిమలజూపు మంత్రము సాయినామా జపామంత్రము త్రిభువనంబుల వెలుగు మంత్రము సాయిబాబా... సాయిబాబా... సాయిబాబా... సాయిబాబా... సాయిబాబా... సాయిబాబా! సాయిబాబా... సాయిబాబా... సాయిబాబా... సాయిబాబా... సాయిబాబా... సాయిబాబా! పతితపావన రామ మంత్రము ద్వారకామయి కృష్ణమంత్రము కుసుమ శోభిత లింగ మంత్రము పాండురంగా నామమంత్రము సాయిబాబా... సాయిబాబా... సాయిబాబా... సాయిబాబా... సాయిబాబా... సాయిబాబా! సాయిబాబా... సాయిబాబా... సాయిబాబా... సాయిబాబా... సాయిబాబా... సాయిబాబా! నిరాకార బ్రహ్మ మంత్రము సాకార సహజ మంత్రము సాయినామా జపామంత్రము ఓంకారా ప్రణవ మంత్రము సాయిబాబా... సాయిబాబా... సాయిబాబా... సాయిబాబా... సాయిబాబా... సాయిబాబా! సాయిబాబా... సాయిబాబా... సాయిబాబా... సాయిబాబా... సాయిబాబా... సాయి...

శ్రీసాయి నాథాయనమః  అందరిలో నన్నేచూడు అందరిలో నన్నేచూడు    నాలో అందరిచూడు అంటున్నాడు అంటున్నాడు సాయిబాబా వింటున్నారా  వింటున్నారా సాధకులారా, సాయి సాధకులారా......?  మావిడిపూవులు గంపలకోయ్  ఫలమయ్యేది కొన్నేనోయ్ వచ్చేవారు వెల్లువలోయ్  నిలిచేవారు నల్గురోయ్ నిలిచేవారు నల్గురోయ్  కొలిచేవారు నల్గురోయ్ అంటున్నాడు అంటున్నాడు సాయిబాబా వింటున్నారా  వింటున్నారా సాధకులారా, సాయి సాధకులారా......?  ప్రేమే దైవం తెలియండోయ్   తీయగ మాటలు పలకండోయ్ కలయిక మనదిట బంధమోయ్  కల్లాకపటం మానండోయ్ మానండోయ్ మానండోయ్ కల్లాకపటం మానండోయ్ అంటున్నాడు అంటున్నాడు సాయిబాబా వింటున్నారా  వింటున్నారా సాధకులారా, సాయి సాధకులారా......?  అల్లా అల్లా మాలిక్ హై !    అందరికతడే నాయక్ హై ! నీది నాది ఏముందోయ్  నాలుగురోజుల నాటకమోయ్ నాటకమోయ్ నాటకమోయ్ నాలుగురోజుల నాటకమోయ్ అంటున్నాడు అంటున్నాడు సాయిబాబా వింటున్నారా  వింటున్నారా సాధకులారా, సాయి సాధకులారా......?  దేవుని రాజ్యం అందరిదోయ్  జీవుల కాతడు తండ్ర...

శ్రీసాయినాథాయనమః  అంతా నీదయ బాబ ! అంతా నీదయ బాబా   అంతా నీవే  బాబా చీకు చింతా ఏల   నీవే నన్ను బ్రోవ తల్లివి తండ్రివి నీవె   నా... సఖుడవు  గురుడవు నీవె సాయి సాయని తలువ  సాయము సేతువు నీవె || 2 || నా... సాగర సేతువు నీవె                                                                         ||అంతా నీదయ|| మమతయు సమతయు నీవె  నా... యోగము క్షేమము నీవె మానుష రూపములోనె  మహిమల దేవుడ వీవె || 2 || నా... మహిలో దేవుడ వీవె                                                                      ||అంతా నీదయ|| ఎదలో కొలువుగ నీవె   నా... కలిమియు బలిమియు నీవె జలముతొ...

శ్రీసాయినాథాయనమః ఎంత ధన్యు లెంతధన్యులు!   ఎంత ధన్యులెంత ధన్యు లెంత ధన్యులు సాయిని సేవించిన భక్తాగ్ర గణ్యులు సాయినామ కరణకర్త భక్త మహల్సాపతియె కుష్టువ్యాధి భాగోజి సాయినిత్య సేవకుడె వచ్చిపోవువారి సేవ రాధామాయి సేసెలె అర్చనా ఆరతులా జోగు అడుగు ముందులే                             || ఎంత ధన్యులెంత || శ్యామా ఆ శ్యాముడే  సాయికి బహుముఖ్యుడె అల్లునిగా విలసిల్లిన తాత్యా జన్మ ధన్యములె సాయిగాన అమృతమును దాసగణు పంచెనులె                        సాయిలీల గాథల చాందోర్కరు వినిపించెలే                              || ఎంత ధన్యులెంత ||           బాయిజమాయి తమ్మునిగా,  తల్లిప్రేమ చూపించే తార్ఖడు శ్రీమతియె వంగకూర విందుసేసె చక్కెర కలకండతొడ  చోల్కరు అర్చించే లే గింజలున్న ద్రాక్షలతొ  కాక సేవించెలే          ...

ఓంశ్రీసాయినాథాయనమః  ఏకాదశ సూత్రాలు  సాయినే నేను సాయమౌతాను,  దైవ దత్తుడను నీకు మిత్రుడను షిరిడినే జేరు దుఃఖమును వీడు,  ద్వారకను జూడు సంపదలు కూడు భక్తులకు నేను బహు రక్షకుడను,  సామాధిలోనే అప్రమత్తుడను సర్వకార్యములకు సామాధి  కాణాచి,  వెలువడును నా వాణి విరుగుడే కలి బాణి శరణన్నవారి కరుణింతు నేను,  కనులుంచు వారి కడదేర్తు నేను భారముల వీడు  మోసెదను నేడు,  సాయనగ  రక్షణయె తక్షణమె చూడు కలిమి వనగూడు సాయున్న గూడు,  శాంతి వనమేను సాయున్న మనము ! శ్రీసాయి కరుణా కిరణాలు అందరిపై ప్రసరించుగాక ! అందరికి శుభమగుగాక ! ఓంసాయి శ్రీసాయి జయజయ సాయి!

ఓం శ్రీసాయినాథాయనమః ! మొట్టమొదట మేము 1994 లో శిరిడీ  వెళ్ళాము. ఆరోజు జూన్ 19, ఆదివారము. మొదటిసారి ప్రయాణం కాబట్టి ఎంతో ఉత్సాహం, ఎంతో ఉద్విగ్నత, మరెంతో ఆసక్తి చోటుచేసు కున్నాయి. బాబాను సేవించిన పరమభక్తురాలు శ్రీమతి లక్ష్మీబాయి షిండే వారసులు నిర్వహించే హోటలులో బసచేసాము. ఆ రోజుల్లో శిరిడీ  చాల భిన్నంగా ఉండేది. బాబా జీవించుయున్న రోజులకు దగ్గర ఉండే వాతావరణము. అంతా మట్టిరోడ్లు, చుట్టూ పాతబడిన పాడైన పూరిళ్లు, చిన్న చిన్న రాతి కట్టడాలు. చుట్టూ గ్రామీణ పేదరికం. బాబా ఆరతి కుడా చాల సులువుగ ఉండేది. అతిసులువుగా నాలుగు ఉచిత ఆరతుల చూసాము. అదికూడా అతితక్కువ సమయంలో. ఆ మూడురోజులు మనసునెంతో ప్రశాంతత, నిర్మలత ఆవహించాయి. ఏదో తెలియని సొంతూరు, సొంతిల్లు అనే భావన. కొద్ది క్షణాలు బాబా స్మృతులతో మనసంతా  నిండిపోయేది. ఈనేల ఎంత పవిత్రమైనది. ప్రతి అణువు బాబా పాదస్పర్శచే అరువది సంవత్సరాలు పునీతమైనది. ఇచటి గాలి,నీరు ఎంతటి శక్తి సంతరించుకొన్నాయి. ఈ చిన్న పాతమజీదులోనేకదా దైవం మానుషరూపంలో నివసించినది. ఇదేకదా బాబా  మహిమల మందిరము. ఇచటనేగదా బాబా సర్వ దేవీ,దేవతా, గురురూప దర్శనమిచ్చ...

ఓం శ్రీసాయినాథాయనమః  పాలకొల్లు దేవాలయములోని బాబా మూర్తి  సాయిబాబా తమ భక్తులకెన్నో అనుభవాల ప్రసాదిస్తూ , తమ ఉనికిని , తమ భక్తరక్షణా కార్యక్రమాన్ని  నిత్యం తెలియజేస్తూనే వున్నారు.కొన్నిసమయాల్లొ మన ప్రారబ్ద కర్మల బలంచే బాధలు, సమస్యలు  కొనసాగుతూనే ఉంటాయి.  బాబా మనల  మరిచారా అనే సందేహం మనసుల తొలుస్తుంటది. అందుకే మామిడి పూతలా రాలిపోక, శ్రద్ధా సహనాల తో , పరిపూర్ణవిశ్వాసంతో  ముందుకు నడవాలి. చీకటి సొరంగముచివర వెలుగులా, రేయి వెంబటి పగలులా జీవితంలో ఉషోదయం తప్పక కలుగుతుంది. అలాగే భక్తులు కూడా ఎన్నో అనుభవాల చవిజూస్తూ కూడా , బాబా పై పూర్తివిశ్వాసముంచుటకు ఎంతో సంకోచిస్తుంటారు. ఇది ఇప్పటి విషయం కాదు. బాబా దేహరూపంలో ఉన్నపుడు వారిని ఎంతో భక్తిశ్రద్ధలు పూజించిన  భక్తులుకూడ ఇలాంటి సంశయాలకు దూరులు కాలేక పోయారు. ఉదాహరణకు బాబా అత్యున్నతస్థాయి భక్తశ్రేణిలో ఒకరైన కాకాసాహెబు దీక్షితుని గురుంచి కొద్దిగా వివరించుకొందాము. ఆయన బా బా మాటపై పూర్తినమ్మకం కలిగివుండే వారు. ఆయనకు బాబావాక్కే బ్రహ్మవాక్కు. అతిఆచార పరాయణ  బ్రాహ్మణుడై యుండికూడ బాబా ఆదేశంపై  మేక...

శ్రీగణేశాయనమః , శ్రీసరస్వత్తైనమః , సమర్ధసద్గురు   శ్రీసాయినాథాయనమః . ముందుమాట! శ్రీసాయిలీలలను  గానరూపంలో పాడుకో దలచువారికొరకు ఈ  శ్రీ సాయిలీలలు  గేయ రూపంలో  వ్రాయడమైనది. సమయాభావముచే శ్రీసాయిచరిత్ర పూర్తిగా చదువుటకువీలుకానిచో , ఈ రచన చదువుటచే అధ్యాయ సారమును గ్రహింపవచ్చును. అధ్యాయముల  భావ,సందేశముల బట్టి వాటి వాటి నిడివి మారినది. మొట్టమొదటిగా   చరిత్ర పారాయణజేయువారు  శ్రీసాయిసచ్చరిత్ర మూలగ్రంథ మును ఒక పర్యాయము  పారాయణ జేసి   ఆపై ఈ గేయామృతము చదివిన విషయ గ్రహణము  సులభము కాగలదు. సప్తాహ పారాయణకు వీలుగ,మూలగ్రంధమువలె ఏడు భాగములుగ విభజించడమైనది.  శ్రీసాయి కరుణా కటాక్షములు పాఠక భక్తులకు పరిపూర్ణముగా లభించుటకు  మనఃస్ఫూర్తిగా  ప్రార్ధిస్తున్నాను.   ఏడ వభాగము  (అధ్యాయ ములు 45-51) నలుబది   ఐదవ అధ్యాయము బహుకాలము బాబసేవ   కాక ప్రేమతొ  జేసినా గురునిపై గురినిలచునా ? సందేహము కాక కాయె మరుదినమున పాఖడే సరిగబంపె వారిగలువ   నేర్పుతోడ సందియము సాయిద...